ПАВЛОДАР ОБЛЫСТЫҚ ЖҰҚПАЛЫ АУРУЛАР АУРУХАНАСЫ

1939 жылы балалар жұқпалы аурулар төсек-орындары қалалық балалар ауруханасының базасында ашылды:

1939 ж. – 30 төсек-орын, 1940-1944 жж. – З5 төсек-орын, 1 дәрігерлік мөлшерлеме.

01.01.1945 жылдан бастап Павлодар қаласында алғаш рет бір бөлімшесі бар ересектер мен балаларға арналған 65 төсектік жұқпалы аурулар ауруханасы ұйымдастырылды.

Яковлевна Дмитриева Антонина біздің ауруханада лаборант болып жұмыс істеді (1949 жылдан 1976 жылға дейін, 1991 жылға дейін зейнеткерлікте бола тұра, жұмысын жалғастырды). ҰОС ардагері, ҰОС кезінде жауынгерлердің өмірін сақтап қалғаны үшін Флоренс Найтингейл медалімен марапатталған. Қазақстан Республикасында бұл медальмен тек 3 адам ғана марапатталды.

1953 жылғы 1 қаңтардан бастап Павлодар қаласында жұқпалы аурулар ауруханасы Фрунзе көшесі №131 үйде 4 бейімделген ағаш үйде орналасқан. Барлығы 5 бөлімше болды: дизентериялық, қызамық аурулары, іш сүзек, дифтериялық, гепатиттік.

Осы түрде аурухана 1974 жылға дейін жұмыс істеді. 1974 жылы аурухана ірі ауруханаларда (1 ҚА, ОКА, 2 ҚА) ашылған бірнеше бөлімдерге бөлінді.

1994 жылы инфекциялық қызмет қайта ұйымдастырылды. Барлық балалар жұқпалы аурулар бөлімшелері жабылды. Балалар қалалық ауруханасы Балалар жұқпалы аурулар ауруханасы статусына ие болды.

1998 жылы ОКБ – дағы ересектерге арналған жұқпалы аурулар төсектері балалармен біріктіріліп, балалар жұқпалы аурулар ауруханасы қалалық жұқпалы аурулар ауруханасы мәртебесін, 2005 жылдың қаңтарынан бастап Облыстық жұқпалы аурулар ауруханасы мәртебесін алды. 2013 жылдың маусымынан бастап аурухана КМҚК «ПОИВ» мәртебесіне ие.

Қазіргі кезде Павлодар облыстық жұқпалы аурулар ауруханасы – бул 240 төсек-орынға есептелген, қала мен облыстың жұқпалы аурулармен ауыратын науқастарды алдын алу, диагностикалау және емдеуге арналған арнайы медициналық мекеме. Жыл сайын ауруханада 10 000 астам науқас емделеді, оның ішінде 75% жуығы – балалар.

Қазіргі кезде жартығысырлық тарихы бар ауруханада 330 қызметкер жұмыс істейді. Аурухана дәрігерлері өзінің негізгі жұмысымен қатар ғылыми жұмысқа да қатысады. 2007 жылы «ОЖАА дәрігерлерінің ғылыми жұмыстар жинағы» баспадан шықты, мұнда 41 жұмыс кірді. 2003 жылы өңірдің әлеуметтік-экономикалық дамуына елеулі үлес қосқаны үшін және облыстың 65-жылдығына орай аурухана жетістіктері Павлодар облысы әкімінің құрмет грамотасымен белгіленді.