ПАВЛОДАР ОБЛЫСТЫҚ ОНКОЛОГИЯЛЫҚ ДИСПАНСЕРІ

Павлодар облыстық орындаушылық комитетінің шешімімен және 1951 жылғы 14 шілдедегі КСРО Министрлер Одағының №2977 Қаулысына сәйкес облыстық онкологиялық диспансер құрылады. Бас дәрігер болып Лидия Алексеевна Васютинская тағайындалады. Одан кейінгі жылдар бұл облыстық онкологиялық диспансердің қалыптасу жылдары. Павлодарлықтарға мына ғимараттар жақсы таныс: Ленин 151, Фрунзе 89, 29 қараша 2 көшесі. Әр жылдары бұл мекенжайларда онкологиялық диспансерлер орналасқан болатын.

1954 жылдан бастап 1979 жылға дейін облыстың барлық аудандарында дәрігер онкологтар жүмыс істей бастайды.

Қазіргі таңда диспансердің қүрылымында 5 бөлімше бар: диспансерлік, жалпы онкологиялық, торакалдық, химиотерапиялық, радиологиялық. Клиникалық-диагностикалық, орталықтандырылған цитологиялық, патоморфологиялық зертхана қызмет етеді. Сәулелік диагностика бөлімшесінде, УДЗ кабинетінде, эндоскопиялық бөлімшеде диагностикалық зерттеудің барлық спектрі жүргізіледі.

Хирургиялық, дәрілік, сәулелік, құрамдастырылған және кешендік емдеу тәсілдері кеңінен қолданылады. Жыл сайын 5000 науқас стационар жағдайында, күндізгі стационар жағдайында да емдеудің арнайы түрін алады. Диспансерде жыл сайын 1200-ден аса операция жасалынады. Есепке алынған 70%-ға жуық онкологиялық науқас сәулелік және химиотерапиялық ем қабылдайды. Емханада жыл сайын 30000-нан аса адамға қызмет көрсетіледі.

1975 жылы ұйымдастырылған торокалды хирургия бөлімшесінде жыл сайын 1000-ға жуық науқас ем алады, оның ішінде онкопатологиясы бар науқастар ғана емес, сонымен қатар өкпенің өзіне тән емес созылмалы ауруы бар, өңеш күйігі бар науқастар да емделеді.

Орталықтандырылған цитологиялық зертхана 1975 жылы облыстық онкологиялық диспансер базасында ұйымдастырылды. Жыл сайын 100000-нан аса цитологиялық зерттеу жүргізіледі.

Рентгендиагностикалық кабинет қызметкерлері көмекей, көкірек, өкпе, бүйрек, сүйек және буын томографиясы сияқты қиын әдістерді меңгерген. Жылына 7000 зерттеу жүргізіледі. 2011 жылы Республикалық бюджет қаржысы есебінен 16-кескінділік Рһilips Brilliance CT» компьютерлік томографы алынды.

2013 жылы жалпы мемлекеттік рейтингті статистикалық саралаудың қорытындысы бойынша ШЖҚ ПООД» КМК Қазақстан Республикасы бойынша Өтімділік керсеткіші» және Актив және міндет керсеткіштері» номинацияларында 1 орынға ие болды.